Di seguito tutti gli interventi pubblicati sul sito, in ordine cronologico.
 
 

14 novembre 1860. La piccola cità de Mola di Gaeta (ll'antica Formia) bommardata 'anfì d'ajere da na squatra piemontese, co tutto era che senza difesa e che le mbonne avessero lassate sulamente li signe lloro dinto a li spitale e nfaccia a le proprietà private è stata abbannonata ogge da le Truppe Regie. A lu momento 'n che li napolitane se ritiravano 'n disordene a la parte de Gaeta, ll'armata sarda traseva a Mola pe la via de lu Garigliano.

Mme chiammo Franceschella Primmavera, / Lo spasso porto pe li nnammorate; / Sto panariello mio è na bannera, / Lo porto sotto e allucco pe le strate: / Nuce, nocelle, ammennole, / Lo spassa tiempo, ohje, né! / semmente fave, cicere; / Chi vo lo spassatié! / Ohje, ni, tu che me vuò? / Pignuole, gué, pignuò! / Lo spaso mio è rrobba sempe fresca; / Pe non sapé arrobbare, dò lo ghiusto: / E guarda, guà che tene ccà Francesca, / Viene, nennillo, ca nce truove gusto. / Nuce, nocelle, ammennole,/ Lo spassa tiempo, ohie, né! / Semmente, fave, cicere; / Chi vo lo spassatié! / Ohje, nì, tu che me vuò? / Pignuole, gué, pignuò! / Va chià; non affonnà troppo la mano; / Lassame sto panaro da dereto .... / Cchiù spasso vaje trovanno pe sto rano? / Va buono mo! nennì, statte cojeto! / Nuce, nocelle, ammennole, / Lo spassa tiempo ohje, né! / Semmente, fave, cicere; / Chi vo lo lo spassatiè! / Ohje, ni, ti che me vuò? / Pignuole, guè, pignuò! / E cionca ciò .... pecchè mme vuò fa male? / La può fernì! fatte no parmo arasso! / Ma pozzo fare, o no, lo speziale? / E bba, ca è stato troppo mo lo spasso! / Nuce, nocelle, amennole, / Lo spassa tiempo ohje, né! / Semmente, fave, cicere; / Chi vò lo spassatiè! / Ohje, ni, tu che me vuò? / Pignuole, guè, pignuò!.