Guardo a strada! 'A gente a tutta corza /se ne va a' scioppa. Quante facce appese./ 'Stu tiempo mette 'o core 'int'a na morsa,/ come a Dio isse fatto mille offese! / E chiagne pure 'o cielo! A sghizze a sghizze/ 'n'acqua picciosa lenta appecundrosa / 'a vide serpianne a tutte pizze ... / Come a lagrime nfaccia 'a lastra nfosa. / Che ghiurno triste! Pare .... ca .... che saccio ..../ purtasse 'o malaurio, 'a malanova; / e stu triste pensiero cchiù io 'o caccio,/ cchiù ll'anema martella .... ma va trova! ... / Che brutta pecundria! ... Che? ! ... Chi d'ha ditto?! / - Papà 'o giurnale. 'O 'i ccà! ... Caruso è muorto! / So rimasto accussì! e zitto zitto / l'aggiu ditt'ì: è muorto?! ... Che scunforto, / pe chi rispetta, chi s'ha fatto onore / chi ha fatto bene a tanta e tanta gente / e ha saputo calmà tanto dulore! ......... E nce ne stanno sciure int''e giardine / ca so bastante attuorno 'a castellana?! ... /'E mmeglie rose fossero cuscine! / Napoli, 'e sciure, se 'inghesse sana! / Tu non si muorto, voce 'e paraviso! / Tu stive ncielo quanno stive nterra ... / N'angelo 'a coppa cu nu vraccio stiso / 'a gloria nosta 'mmeriuse afferra! / Hanno tremmato mille core e mille, / quanno 'o destino barbaro e feroce/ se pigliava 'a salute a stille a stille / e nce arrubbava 'o core tuio e 'a voce! ...

Nessun commento trovato.

Disclaimer
L'indirizzo IP del mittente viene registrato, in ogni caso si raccomanda la buona educazione.