Quanno parla quaccuno c'è 'struito/ ca sape il 'cabolario, la crianza/ tutto 'stu bene 'e Dio, e parla pulito/ de farme 'a scola nun'o dongo accianza./ Pure ca so' ritrogrado e cafone/ e saccio appena appena 'a santacroce/ i' me cuntento d'e cervelle bbone/ e 'a capa ch'è cchiù tosta de na noce/ Mo piglie 'o cchiù 'mbicillo miez'a via, / te parla di puliteca e prigresso,/ ma si nce spie si sape 'avummaria/ cu chesti ccose nun s'è compromesso!/ 'O mmale sta ..... ca ll'ommo mo se crede/ cchiù gruosso 'e Ddio, però non m'ha spiegato,/ isso ca è tanto smatto e senza fede,/ 'o munno chi l'ha fatto e l'ha criato!/ Mo nun se crede a niente! .... sulo a 'e pezze,/ invece i' nun 'e curo. Dio ce penza! .../ I' me cuntento avé quatto carezze/ d' 'e figlie miei. 'O riesto è preputenza!/ 'A famiglia?! ... So' ccose d' 'o passato,/ diceno, è sentimento ca scunquassa/ la suggità! ... ma io nun sto malato,/ e chesta è malatia ca pure passa.

Nessun commento trovato.

Disclaimer
L'indirizzo IP del mittente viene registrato, in ogni caso si raccomanda la buona educazione.