Non se po' segne meglio o studiare/ Na cosa che balè pozza pe ciento/ De chella mmenzione che parlare/ Fa l'Anemale senza sentemiento;/ Ca, otra ch'a sto muodo uno pigliare/ Se po' gran gusto, e arrevà a quà 'ntiento,/ Non face male a nullo, né despietto,/ E 'mpara a tutte a ghire pe lo nnietto. Fu Asopo chillo, come sape agnuno,/ Che retrovaje sta bella fenzione,/ Pe ffa mette jodicio a chiù d'uno,/ e tenere la gente a correzione./ Isso era, a l'apparenzia, n'ommo vruno,/ Curto, stuorto, sgargiato, e 'crusione, / Aveva nnanz' e arreto lo scartiello,/ Ma saputo era chiù de Farfariello.